அகப்பொருள் இலக்கணம்

 2 மதிப்பெண்

காட்டில் விளைந்த வரகில் சமைத்த உணவு மழைக்கால மாலையில் சூடாக உண்ணச் சுவை மிகுந்திருக்கும். இத்தொடரில் அமைந்துள்ள முதற்பொருள், கருப்பொருள்களை வகைப்படுத்தி எழுதுக.

முதற்பொருள்:

1. நிலம்: முல்லை (காடு)
2. பெரும்பொழுது: கார்காலம் (மழைக்காலம்)
3. சிறுபொழுது: மாலை

கருப்பொருள்:

• உணவு: வரகு

2). கீழ்வரும் தொடர்களில் பொருந்தாத கருப்பொருளைத் திருத்தி எழுதுக.

உழவர்கள் மழையின் உழுதனர்.

முல்லைப்பூச் செடியைப் பார்த்தவாறே பரதவர் கடலுக்குச் சென்றனர்.

அ) உழவர்கள் வயலில் உழுதனர்.

ஆ) நெய்தல் பூச்செடிகளைப் பார்த்தவாறே பரதவர் கடலுக்குச் சென்றனர்.

3 மதிப்பெண்

கடற்கரையில் உப்புக் காய்ச்சுதல் நடைபெறுகிறது. மலைப் பகுதிகளில் மலைப் பயிர்களும் நிலப்பகுதிகளில் உழவுத் தொழிலும் நடைபெறுகின்றன'. - காலப் போக்கில் பல மாற்றங்கள் நிகழ்ந்த போதிலும், பண்டைத் தமிழரின் திணைநிலைத் தொழில்கள் இன்றளவும் தொடர்வதையும் அவற்றின் இன்றைய வளர்ச்சியையும் எழுதுக.

1. குறிஞ்சி நிலத்தில், அன்று வேட்டையாடுதல், கிழங்கு அகழ்தல், தேன் எடுத்தல் போன்றவை நடைபெற்றன. இன்று மலைவாழ் இன மக்கள் தேன் எடுத்தல், மூலிகைகள் சேகரித்தல், கைவினைப் பொருள்கள் தயாரித்தல் போன்ற தொழில்களில் ஈடுபட்டு வருகின்றனர்.  
2. முல்லை நிலத்தில் அன்று முதல் இன்று வரை கால்நடைகளை மேய்க்கும் தொழில் நடைபெற்று வருகிறது. 
3. மருதநிலத்தில் அன்று இயற்கை வேளாண்மையும், இன்று நவீனத் தொழில்நுட்பங்களுடன் கூடிய வேளாண்மையும் நடைபெற்று வருகிறது.
4. நெய்தல் நிலத்தில் அன்று முதல் இன்று வரை மீன்பிடித்தலும் உப்பு தயாரித்தலும் நடைபெற்று வருகிறது. எனினும், இன்று இயந்திரப் படகுகளில் ஆழ்கடலுக்குச் சென்று நவீன வலைகளைப் பயன்படுத்தி மீன் பிடிக்கிறார்கள். 
5. பாலை நிலத்தில் அன்று வழிப்பறி நடைபெற்றது. வழிப்பறி, இன்று சில இடங்களில் பரவலாக நடைபெறுகிறது.