தொகைநிலைத் தொடர்கள்

2 மதிப்பெண் 

தண்ணீர் குடி, தயிர்க்குடம் ஆகிய தொகைச் சொற்களை விரித்து எழுதுக. தொடரில் அமைக்க.

1. தண்ணீர் குடி- தண்ணீரைக் குடி.
• தினமும் ஐந்து லிட்டர் தண்ணீர் குடிக்க வேண்டும்.
2. தயிர்க்குடம் - தயிரை உடைய குடம்.
• அவள் தயிர்க்குடத்தை எடுத்து வந்தாள். 

3 மதிப்பெண்

தோட்டத்தில் மல்லிகைப்பூப் பறித்த பூங்கொடி வரும்வழியில் ஆடுமாடுகளுக்குத் தண்ணீர்த் தொட்டியில் குடிநீர் நிரப்பினாள். வீட்டிற்கு வந்தவள் சுவர்க் கடிகாரத்தில் மணி பார்த்தாள்.

இப்பத்தியில் உள்ள தொகைச் சொற்களின் வகைகளைக் குறிப்பிட்டு விரித்து எழுதுக.

தொகைச்சொற்கள்:

1. மல்லிகைப்பூ
• இருபெயரொட்டுப் பண்புத்தொகை.
• மல்லிகை ஆகிய பூ
2. பூப்பறித்த
• இரண்டாம் வேற்றுமைத்தொகை.
• பூப்பறித்த-பூவைப் பறித்த
3. ஆடுமாடுகள்
• உம்மைத்தொகை.
• ஆடுகளும் மாடுகளும்
4. தண்ணீர்த்தொட்டி -
• இரண்டாம் வேற்றுமை உருபும் பயனும் உடன் தொக்கத் தொகை. 
• தண்ணீரை உடைய தொட்டி.
5. குடிநீர் நிரப்பினாள்
• இரண்டாம் வேற்றுமைத்தொகை. 
• குடிநீரை நிரப்பினாள்.
6. குடிநீர்
• வினைத்தொகை. 
• குடித்த நீர், குடிக்கின்ற நீர், குடிக்கும் நீர்
7. சுவர்க் கடிகாரம்
• ஏழாம் வேற்றுமை உருபும் பயனும் உடன் தொக்கத் தொகை.
• சுவரின் கண் உள்ள கடிகாரம் 
8. மணி பார்த்தாள்
• இரண்டாம் வேற்றுமைத் தொகை. 
• மணியைப் பார்த்தாள்