இயல் 5

 

இயல் 5

பலவுள் தெரிக 

1. ‘மாபாரதம் தமிழ்ப் படுத்தும் மதுராபுரிச் சங்கம் வைத்தும்’ என்னும் சின்னமனூர்ச் செப்பேட்டுக் குறிப்பு உணர்த்தும் செய்தி சங்க காலத்தில் மொழிபெயர்ப்பு இருந்தது
2. அருந்துணை என்பதைப் பிரித்தால்______  அருமை+துணை
3. “இங்கு நகரப் பேருந்து நிற்குமா?” என்று வழிப்போக்கர் கேட்டது_____ வினா. “அதோ அங்கே நிற்கும்” என்று மற்றொருவர் கூறியது______   விடை.அறியா வினா, சுட்டுவிடை
4. “அருளைப் பெருக்கி அறிவைத் திருத்தி மருளை அகற்றி மதிக்கும் தெருளை” என்று இவ்வடிகளில் குறிப்பிடப்படுவது எது?கல்வி
5. இடைக்காடனாரின் பாடலை இகழ்ந்தவர்_____ இடைக்காடனாரிடம் அன்பு வைத்தவர்_______.மன்னன், இறைவன்

சிறு வினா

1. “கழிந்த பெரும் கேள்வியினால் எனக் கேட்டு முழுது உணர்ந்த கபிலன் தன் பால் பொழிந்த பெரும் காதல்மிகு கேண்மையினான் இடைக்காட்டு புலவன் தென்சொல்”-இவ்வடிகளில் கழிந்த பெரும் கேள்வியினான் யார்? காதல் மிகு கேண்மையினான் யார்?

1. கழிந்த பெரும் கேள்வியினான்-மன்னன் குலேச பாண்டியன்
2. காதல் மிகு கேண்மையினான்-புலவர் இடைக்காடனார்

2.செய்குத் தம்பிப் பாவலரின் கல்வி பற்றிய கருத்தினை முழக்கத் தொடர்களாக்குக.

• அருளைப் பெருக்கு 
• அறிவைத் திருத்து 
• மருளை அகற்று 
• கல்வியைப் போற்று

3. அமர்ந்தான்- பகுபத உறுப்பிலக்கணம் தருக.

அமர்+(ந்)த்+த்+ஆன்

1. அமர்-பகுதி
2. த்-சந்தி
3. ந் ஆனது விகாரம் 
4. த் -இறந்தகால இடைநிலை 
5. ஆன்-ஆண்பால் வினைமுற்று விகுதி

4.இந்த அறை இருட்டாக இருக்கிறது. மின்விளக்கின் சொடுக்கி எந்தப் பக்கம் இருக்கிறது? இதோ… இருக்கிறதே! சொடுக்கியைப் போட்டாலும் வெளிச்சம் வரவில்லையே! மின்சாரம் இருக்கிறதா, இல்லையா? மேற்கண்ட உரையாடலில் உள்ள வினாக்களின் வகைகளை எடுத்து எழுதுக.

1. மின்விளக்கின் சொடுக்கி எந்தப் பக்கம் இருக்கிறது? -அறியா வினா 
2. மின்சாரம் இருக்கிறதா, இல்லையா? -ஐய வினா

சிறுவினா

1.மன்னன் இடைக்காடனார் என்ற புலவனுக்குச் சிறப்புப் செய்தது ஏன்? விளக்கம் தருக.

1. இடைக்காடனார் பாடினார் 
2. மன்னன் அவமதித்தான்
3. இறைவனிடம் புலவர் முறையிட்டார்
4. இறைவன் வேறுகோவிலில் தங்கினார்
5. மன்னன் தன் தவற்றை உணர்ந்தான்
6. புலவருக்குச் சிறப்புச் செய்தான்.

2.உங்களுடன் பயிலும் மாணவர் ஒருவர் பள்ளிப்படிப்பைப் பாதையில் நிறுத்தி வேலைக்குச் செல்ல விரும்புகிறார். அவரிடம் கற்பதன் இன்றியமையாமையை எவ்வகையில் எடுத்துரைப்பீர்கள்?

1. கற்றவர் வழி அரசு செல்லும் 
2. பிச்சை புகினும் கற்கை நன்றே
3. அருளைப் பெருக்கும்
4. அறிவைச் சீராக்கும்
5. மயக்கம் அகற்றும்
6. அறிவுக்குத் தெளிவு தரும் 
7. உயிருக்கு அரிய துணையாய் வரும் 
8. எனவே, கற்க வேண்டும் 

3.ஐக்கிய நாடுகள் அவையில் மொழிபெயர்ப்பு 

ஐ.நா. அவையில் ஒருவர் பேசினால் அவரவர் மொழிகளில் புரிந்து கொள்வதற்கு வசதி செய்யப்பட்டிருக்கிறது. மொழிபெயர்ப்பு என்பது எழுதப்பட்டதை மொழிபெயர்ப்பது; ஆனால் ஒருவர் பேசும்போதே மொழிபெயர்ப்பது விளக்குவது என்றே சொல்லப்படுகிறது. ஐ.நா. அவையில் ஒருவர் பேசுவதை மொழிபெயர்க்கும் மொழிபெயர்ப்பாளர் பார்வையாளர்களுக்குத் தெரியாதபடி வேறு இடத்தில் இருப்பார். ஒருவர் பேசுவதை காதணிக்கேட்பியில் கேட்டபடி சில நொடிகளில் மொழிபெயர்த்து ஒலி வாங்கி வழியே பேசுவார். அவையில் உள்ள பார்வையாளர் தம்முன் உள்ள காதணிக் கேட்பியை எடுத்துப் பொருத்திக்கொண்டு அவரது மொழியில் புரிந்து கொள்வார். இப்பகுதியில் இருந்து ஐந்து வினாக்களை உருவாக்குக.

1. மொழிபெயர்ப்பு என்பது யாது? 

2. விளக்குவது என்பது யாது? 

3. மொழிபெயர்ப்பாளரின் பணி யாது?

4. ஐ.நா. அவையில் ஒருவர் பேசினால் அவரவர் மொழிகளில் புரிந்து கொள்ள வசதி செய்யப்பட்டு இருக்கிறதா?

5. ஐ.நா. அவையில் மொழிபெயர்ப்பாளர் எங்கு அமர்ந்திருப்பார்?

4.முயற்சி திருவினை ஆக்கும் முயற்றின்மை இன்மை புகுத்தி விடும். இக்குறட்பாவில் அமைந்துள்ள பொருள்கோளின் வகையைச் சுட்டி விளக்குக.

விளக்கம்

1. முயற்சி செய்தால் செல்வம் சேரும். 
2. முயற்சி இல்லாவிட்டால் வறுமையே உண்டாகும்.  
3. பாடலின் தொடக்கம்முதல் முடிவுவரை ஆற்று நீரின் போக்கைப் போலப் பொருள் கொள்ளுமாறு அமைந்துள்ளதால் இது, ‘ஆற்று நீர்ப் பொருள்கோள்’ ஆகும்.

நெடுவினா

1.இறைவன் புலவர் இடைக்காடன் குரலுக்கு செவி சாய்த்த நிகழ்வை நயத்துடன் எழுதுக. 

திருவிளையாடற் புராணம்

1. இடைக்காடனார் மன்னனின் அவையில் கவிதை படித்தார் 
2. மன்னன் தன் புலமையை மதிக்காமை குறித்து இறைவனிடம் முறையிட்டார் 
3. இறைவன் கோவிலைவிட்டு நீங்கினார்.
4. கோவிலைவிட்டு நீங்கிய காரணம் அறியாது மன்னன் இறைவனை வேண்டினார் 
5. புலவரை மகிழ்விக்க வந்ததாக இறைவன் பதில் கூறினார் 
6. மன்னன் தன் பிழையைப் பொறுத்து அருளுமாறு இறைவனிடம் வேண்டினார். 
7. மன்னன், புலவருக்கு மரியாதை செய்தார்
8. மன்னன், புலவரிடம் மன்னிப்பை வேண்டினார் 

2.“கற்கை நன்றே கற்கை நன்றே பிச்சை புகினும் கற்கை நன்றே” என்கிறது வெற்றி வேற்கை. மேரியிடமிருந்து பறிக்கப்பட்ட புத்தகம் அச்சிறுமியின் வாழ்க்கையில் கல்விச் சுடரை ஏற்றிய கதையைப் பற்றிய உங்களின் கருத்துக்களை விவரிக்க.

புதிய நம்பிக்கை

முன்னுரை

கல்வியறிவற்ற சமூகத்திலிருந்து ஒற்றை ஒளிச்சுடராக வெளிவந்து, அந்த சமூகத்தையே ஒளிவெள்ளத்தில் நிரப்பியவர்களில் ஒருவர்தான் மேரி.

மேரியின் குடும்பம்

1. கருப்பினச்சிறுமி மேரி. 
2. பகல்முழுவதும் பருத்திக்காட்டில் வேலை

உன்னால் படிக்க முடியாது

1. வெள்ளைக்காரச் சிறுமிகளுடன் விளையாடினாள்; 
2. அங்கு இருந்த புத்தகத்தை எடுத்துப் பார்த்தாள். 
3. “புத்தகத்தை என்னிடம் கொடு. நீ இதை எடுக்கக்கூடாது. உன்னால் படிக்க முடியாது” என்ற வெள்ளைக்காரச் சிறுமியின் வார்த்தைகளால் மனம் கலங்கினாள்.

மேரியின் விருப்பம்

1. மேரி படிக்க விரும்பினாள்
2. அங்குப் பள்ளிக்கூடம் கிடையாது.

பட்டம் பெற்ற மேரி

1. மிஸ் வில்சன் படிக்க அழைத்தாள். 
2. பத்துமைல் தூரம் நடந்துசென்று படித்தாள். 
3. பட்டம் பெற்றாள். 

மேரியின் உயர்கல்விப் பயணம்

1. உயர்கல்வி கற்க, ஊரே வழியனுப்பி வைத்தது
2. வெள்ளைக்காரப்பெண் பணம் அனுப்பினாள்.

முடிவுரை 

ஒடுக்கப்பட்ட சமூகம் உயரக் காரணமாக அமைந்தது, மேரி பெற்ற கல்வி.

2.தமிழின் இலக்கிய வளம் - கல்வி மொழி- பிற மொழிகளில் உள்ள இலக்கிய வளங்கள் - அறிவியல் கருத்துக்கள்- பிறதுறைக் கருத்துக்கள்- தமிழுக்குச் செழுமை- மேற்கண்ட குறிப்புகளைக் கொண்டு ‘செம்மொழித் தமிழுக்கு வளம் சேர்க்கும் மொழிபெயர்ப்புக்கலை’ என்ற தலைப்பில் வார இதழ் ஒன்றுக்கு நடுப்பக்கக் கட்டுரை எழுதுக.

செம்மொழித் தமிழுக்கு வளம் சேர்க்கும் மொழிபெயர்ப்புக் கலை

முன்னுரை

ஒரு மொழியில் ஏற்படும் புதுமைகளை வேற்றுமொழிக்குக் கொண்டுவரும் அரிய கலையே ‘மொழிபெயர்ப்புக்கலை’.

தமிழின் இலக்கியவளம்

1. சங்க இலக்கியங்கள், 
2. பதினெண்கீழ்க்கணக்கு நூல்கள், 
3. ஐம்பெருங்காப்பியங்கள், 
4. பக்திப் பாடல்கள், 
5. சிற்றிலக்கியங்கள்.

கல்வி மொழி

1. மொழிபெயர்ப்பைக் கல்வியாக ஆக்குவதன் மூலம் அனைத்துலக அறிவையும் நாம் எளிதில் பெற முடியும்.
2. பிறமொழிகளில் உள்ள இலக்கிய வளங்கள்
3. ஷேக்ஸ்பியரின் நாடகங்கள், 
4. வால்ட் விட்மனின் புதுக்கவிதைகள், 
5. ஜப்பானிய ஹைக்கூக் கவிதைகள் 

அறிவியல் கருத்துகள்

1. உலகம் ஐம்பூதங்களால் ஆனது. 
2. உயிர் வகை. 
3. அணுவைப் பிளந்து ஏழ்கடலைப் புகட்டி. 
4. சிறுபுல் நீர் பனையளவு காட்டும். 

பிறதுறைக் கருத்துகள் 

தொலைக்காட்சி, வானொலி, திரைப்படம், இதழ்கள் போன்ற ஊடகங்கள் மொழிபெயர்ப்பால்தான் வளர்ச்சி பெறுகின்றன.

தமிழுக்குச் செழுமை

மொழிபெயர்ப்பினால் புதியசொற்கள் உருவாகி, மொழிவளம் ஏற்படுகிறது. 

முடிவுரை

மொழிவேலியை அகற்றும் பணியை மொழிபெயர்ப்பு செய்கிறது.

3.மதிப்புரை எழுதுக.

பள்ளி ஆண்டுவிழா மலருக்காக நீங்கள் நூலகத்தில் படித்த கதை/ கட்டுரை/ சிறுகதை/ கவிதை நூலுக்கான மதிப்புரை எழுதுக.

மதிப்புரை

நூலின் தலைப்பு: மணிமேகலை

நூலின் மையப் பொருள் : மணிமேகலை மேற்கொண்ட துறவு

மொழிநடை : நாவல்

வெளிப்படுத்தும் கருத்து : 

அழகு நிலை இல்லாதது. 

பசிப்பிணி போக்குக. 

துறவின் மேன்மை.

நூலின் நயம் : 

தீவதிலகையின் கூற்று

அறவண அடிகளின் கூற்று

ஆதிரையின் கணவன் சாதுவன் கூற்று ஆகியவை நயம் வாய்ந்தவை

நூலின் கட்டமைப்பு : 

     66 தலைப்புகளில் நாவல் வடிவில் விளக்குகிறது.

சிறப்புக் கூறு : 

     மூலநூலான மணிமேகலையைவிட, நாவல் வடிவிலமைந்த இந்த நூல் எளியநடையில் கதை சொல்கிறது. ஒரேமூச்சில் படித்துமுடித்துவிட வேண்டும் என்ற ஆவலைத் தூண்டுகிறது.

நூலின் ஆசிரியர்: என். சொக்கன்

தொழிற்பெயர்களின் பொருளைப் புரிந்துகொண்டு தொடர்களை முழுமை செய்க.

1. நிலத்துக்கு அடியில் கிடைக்கும் புதையல் யாவும் அரசுக்கே சொந்தம். நெகிழிப் பொருட்களை மண்ணுக்கு அடியில் புதைத்தல் நிலத்தடி நீர்வளத்தைக் குன்றச் செய்யும்.
2. காட்டு விலங்குகளைச் சுடுதல் தடை செய்யப்பட்டுள்ளது. செய்த தவறுகளைச் சுட்டல் திருந்த உதவுகிறது.
3. காற்றின் மெல்லிய தொடுதல் பூக்களைத் தலையாட்ட வைக்கிறது. கைகளின் நேர்த்தியான தொடுத்தல் பூக்களை மாலை ஆக்குகிறது
4. பசுமையான காட்சியைக் காணுதல் கண்ணுக்கு நல்லது.
5. பொதுவாழ்வில் நடித்தல் கூடாது. நடிப்பில் அவரை மிஞ்ச ஆள் கிடையாது

புதிர்ப்பாடலைப் படித்து விடையைக் கண்டுபிடிக்க

தார்போன்ற நிறமுண்டு கரியும் இல்லை

பார் முழுதும் பறந்து திரிவேன் மேகமும் இல்லை

சேர்ந்து அமர்ந்து ஒலிப்பேன் பள்ளியும் இல்லை

சோர்ந்து போகாமல் வீடு அமைப்பேன் பொறியாளரும் இல்லை

வீட்டுக்கு வரும் முன்னே, வருவதை கூறுவேன்.

நான் யார்?

விடை: காகம்

அகராதியில் காண்க

1. மன்றல்- திருமணம்
2. அகராதி- அகரமுதலி
3. மருள்- மயக்கம்
4. அடிச்சுவடு- காலடியின் அடையாளம்
5. தூவல்- பேனா

கலைச்சொல் அறிவோம்

1. Emblem -சின்னம்
2. Thesis -ஆய்வேடு
3. Intellectual -அறிவாளர்
4. Symbolism -குறியீட்டியல்

நிற்க அதற்குத் தக

பள்ளியில் நான்

1. உடன்பயிலும் மாணவர்களின் திறமைகளைப் பாராட்டுவேன்
2. நண்பர்களுக்கு உதவி செய்வேன்
3. வகுப்பறையைத் தூய்மையாக வைத்திருப்பேன்
4. ஒழுக்கத்தைப் கடைப்பிடிப்பேன்

வீட்டில் நான்

1. பெற்றோருக்கு உதவி செய்வேன்.
2. செடிகொடிகளுக்குத் தண்ணீர் ஊற்றுவேன்
3. வீட்டைத் தூய்மையாக வைத்திருப்பேன்.
4. பெற்றோரை மதிப்பேன். 

மொழிபெயர்ப்பு

1. Lute music -யாழிசை
2. Chamber-அறை
3. To look up-எட்டிப்பார்த்தேன்
4. Grand-daughter-பேத்தி
5. Rote-நெட்டுரு
6. Didactic compilation-நீதி நூல் திரட்டு

தொடர்களில் உள்ள எழுவாயைச் செழுமை செய்க 

1.கடம்பவனத்தை விட்டு இறைவன் நீங்கினான் 

அழகிய குளிர்ந்த கடம்பவனத்தை விட்டு இறைவன் நீங்கினான்.

2.மரத்தை வளர்ப்பது நன்மை பயக்கும் 

குளிர்ந்த நிழல்தரும் மரத்தை வளர்ப்பது நன்மை பயக்கும்.

3.வாழ்க்கைப்பயணமே வேறுபட்ட பாடங்களைக் கற்றுத் தருகிறது 

மேடுபள்ளம் நிறைந்த வாழ்க்கைப் பயணமே வேறுபட்ட பாடங்களைக் கற்றுத் தருகிறது

4.கல்வியே ஒருவருக்கு உயர்வு தரும் 

ஒழுக்கத்துடன் கூடிய கல்வியே ஒருவருக்கு உயர்வு தரும்.

5.குழந்தைகள் தனித்தனியே எழுதித் தர வேண்டும்

சுற்றுலா செல்ல விரும்பும் குழந்தைகள் தனித்தனியே எழுதித் தர வேண்டும். 

அட்டவணையில் விடுபட்டதை எழுதுக 

1. சொன்ன அம்மா -பெயரெச்சத் தொடர்
2. அம்மா, சொல்-விளித்தொடர்
3. அரசர் தந்தார் -எழுவாய்த் தொடர்
4. எனக்குத் தந்தார்-வேற்றுமைத் தொடர்
5. சிரித்த பெண் -பெயரெச்சத் தொடர்
6. பெண்ணே, சிரி-விளித்தொடர்
7. ஓடி விளையாடினான்-வினையெச்சத் தொடர்
8. என்னுடன் வா-வேற்றுமைத் தொடர்

இயல் 4

பத்தாம் வகுப்பு  மெல்லக் கற்போர் இயல் 4

பலவுள் தெரிக

1. “உனதருளே பார்ப்பன் அடியேனே”- யாரிடம் யார் கூறியது?

இறைவனிடம் குலசேகராழ்வார்

2. தலைப்புக்கும் குறிப்புகளுக்கும் பொருத்தமான விடையை தேர்ந்தெடுக்க. 

தலைப்பு: செயற்கை நுண்ணறிவு 

குறிப்புகள்: கண்காணிப்புக் கருவி அசைவு நிகழும் பக்கம் தன் பார்வையைத் திருப்புகிறது. திறன்பேசியில் உள்ள வரைபடம் போக்குவரத்திற்குச் சுருக்கமான வழியைக் காண்பிப்பது

விடை: தலைப்புக்குப் பொருத்தமான குறிப்புகள் இடம் பெற்றுள்ளன.

3. பரிபாடல் அடியில் ‘விசும்பும் இசையும்’ என்னும் தொடர் எதனைக் குறிக்கிறது?

வானத்தையும் பேரொலியையும்

4. குலசேகர ஆழ்வார் ‘வித்துவக்கோட்டம்மா’ என்று ஆண் தெய்வத்தை அழைத்துப் பாடுகிறார்.

பூனையார் பால் சோற்றைக் கண்டதும் வருகிறார் ஆகிய தொடர்களில் இடம்பெற்றுள்ள வழு அமைதி முறையே-

பால் வழுவமைதி, திணை வழுவமைதி

5. பாரத ஸ்டேட் வங்கியின் உரையாடு மென்பொருள் எது?

இலா

குறுவினா

1. வருங்காலத்தில் தேவையெனக் கருதுகின்ற செயற்கை நுண்ணறிவு பொதிந்த இரண்டு அறிவியல் கண்டுபிடிப்புகளைக் குறிப்பிடுக.

எ.கா. செயற்கை நுண்ணறிவால் இயங்கும் போக்குவரத்து ஊர்திகள்.

செயற்கை நுண்ணறிவு

1. ஆபத்தான வேலைகளைச் செய்யும் ரோபோக்கள் 
2. குழந்தைகளைப் பராமரிக்கும் ரோபோக்கள் 

2. வருகின்ற கோடை விடுமுறையில் காற்றாலை மின் உற்பத்தியை நேரில் காண்பதற்கு ஆரல்வாய்மொழிக்குச் செல்கிறேன் -இத்தொடர் கால வழுவமைதிக்கு எடுத்துக்காட்டாக அமைவது எவ்வாறு?

கால வழுவமைதி

1. இது திட்டமிடப்பட்ட உறுதியான நிகழ்ச்சி 
2. எனவே, இது காலவழுவமைதி.

3. மருத்துவத்தில் மருந்துடன் அன்பும் நம்பிக்கையும் ஆற்றும் பாங்கினை எழுதுக.

பெருமாள் திருமொழி

1. நோயாளி மருத்துவரை நம்புவார்.  
2. இந்த  நம்பிக்கை நோயாளியை விரைவில் குணமடையச் செய்யும்.

4. உயிர்கள் உருவாகி வளர ஏற்ற சூழல் பூமியில் எவை எவையெனப் பரிபாடல்வழி அறிந்தவற்றைக் குறிப்பிடுக.

பரிபாடல்-புவியின் உருவாக்கம்

1. பூமியில் தொடர்ந்து பெய்த மழையால் கடலும் நிலமும் உருவாகியது.
2. பின்னர், உயிர்கள் உருவாகி வளர ஏற்ற சூழல் உருவானது 

5. “சீசர் எப்போதும் என் சொல்பேச்சைக் கேட்பான். புதியவர்களைப் பார்த்து கத்துவானே தவிர கடிக்க மாட்டான்” என்று இளமாறன் தன்னுடைய வளர்ப்பு நாயைப் பற்றி பெருமையாகக் கூறினார். -இதில் உள்ள திணை வழுவமைதிகளைத் திருத்தி எழுதுக

திணை வழுவமைதிகள்- திருத்தம்

சீசர் எப்போதும் என் சொல்பேச்சைக் கேட்கும். புதியவர்களைப் பார்த்து கத்துமே தவிர கடிக்காது.

சிறுவினா

1. மாளாத காதல் நோயாளன் போல்” என்னும் தொடரிலுள்ள உவமை சுட்டும் செய்தியை விளக்குக.

பெருமாள் திருமொழி

1. நோயாளி அறுவைச்சிகிச்சை தரும் மருத்துவரை நேசிப்பார். 
2. அதைப்போல அடியார் இறைவனையே  நேசிப்பார்.

2. இன்றைய அறிவியல் கண்டுபிடிப்புகள் மனிதனை மேம்படுத்துகின்றனவா என்பது குறித்த சிந்தனைகளை முன்வைத்து எழுதுக. 

செயற்கை நுண்ணறிவு

1. மனிதர்கள் செய்யும் வேலைகளை மட்டுமல்லாமல் 
2. மனிதனால் செய்ய இயலாத செயல்களையும் 
3. அலுப்புத் தரும் செயல்களையும் செய்து 
4. மனித வாழ்வைச் செயற்கை நுண்ணறிவு மேம்படுத்துகிறது.

3. மனிதர்களின் மூளையைப் போன்றது செயற்கை நுண்ணறிவு கொண்ட கணினியின் மென்பொருள். மனிதனைப் போலவே பேச, எழுத, சிந்திக்க தொழில்நுட்பம் மேம்படுத்தப்படுகிறது. இதனால் மனித குலத்துக்கு ஏற்படும் நன்மைகளைப் பற்றி அறிவியல் இதழ் ஒன்றுக்கு எதிர்காலத் தொழில்நுட்பம் என்ற தலைப்பில் எழுதுக.

எதிர்காலத் தொழில்நுட்பம்

கணினி மென்பொருள், 

1. தொலைபேசி அழைப்பு விடுக்கும். 
2. செயலியைத் திறக்கும். 
3. உலாவியில் தேடும். 
4. எந்தக் கடையில் எது விற்கும் என்று சொல்லும். 
5. நூல்களைப் பட்டியலிடும். 
6. கருத்துரைக்கும். 

4. “நேற்று இரவு பெய்த மழை எல்லாம் தொட்டியை நிறைத்திருந்தது. வாழைத்தோப்பில் குட்டியுடன் நின்றிருந்த மாடு கத்தியது; தந்தை என்னிடம், “இலட்சுமி கூப்பிடுகிறாள், போய்ப் பார்” என்றார். “இதோ சென்று விட்டேன்” என்றவாறே அங்குச் சென்றேன். துள்ளிய குட்டியைத் தடவிக் கொடுத்து, “என்னடா விளையாட வேண்டுமா?” என்று கேட்டேன். என் தங்கையும் அங்கே வந்தாள். அவளிடம், “நீயும் இவனும் விளையாடுங்கள்” என்று கூறினேன். அவிழ்த்து விடப்பட்ட இலட்சுமி தொட்டியில் இருந்த நீரைக் குடித்தாள். இப்பத்தியிலுள்ள வழுவமைதிகளைப் பட்டியலிட்டு எழுதுக.

திணை வழுவமைதி 

1. இலட்சுமி கூப்பிடுகிறாள்.
2. இலட்சுமி தொட்டியிலிருந்த நீரைக் குடித்தாள்
3. “என்னடா விளையாட வேண்டுமா?” என்று கேட்டேன்.

இட வழுவமைதி

நீயும் இவனும் விளையாடுங்கள்

கால வழுவமைதி

1. நேற்றிரவு பெய்த மழை எல்லாம் தொட்டியை நிறைத்திருந்தது.
2. இதோ சென்று விட்டேன்.

மரபு வழுவமைதி

வாழைத்தோப்பில் குட்டியுடன் நின்றிருந்த மாடு கத்தியது.

நெடுவினா

1. ஒரு குழந்தையைத் தூக்கவும் கீழே விழுந்த ஒரு தேநீர்க் கோப்பையை எடுக்கவும் மென்பொருள் அக்கறை கொள்ளுமா? வெறும் வணிகத்துடன் நின்றுவிடுமா? இக்கருத்துகளை ஒட்டிச் ‘செயற்கை நுண்ணறிவின் எதிர்கால வெளிப்பாடுகள்’ பற்றி ஒரு கட்டுரை எழுதுக.

செயற்கை நுண்ணறிவின் எதிர்கால வெளிப்பாடுகள்

முன்னுரை 

நாம் இப்போது செயற்கை நுண்ணறிவுக் காலத்தில் இருக்கிறோம். 

செயற்கை நுண்ணறிவு ரோபோக்கள்

1. குழந்தைப் பராமரிப்பாளராக…
2. உற்ற தோழனாக …
3. கடின வேலைகளைச் செய்யும் பணியாளராக…

செயற்கை நுண்ணறிவுத் தொழில்நுட்பம்

1. உற்பத்தி மற்றும் வணிகத்தில்…
2. போக்குவரத்தில்…

எதிர்காலத்தில்…

1. மனிதனுடன் போட்டியிடும் போட்டியாளராக…
2. உதவியாளராக…
3. மருத்துவத்தில்…
4. ஒவ்வொரு துறையிலும் அளவிடற்கரிய முன்னேற்றத்தைத் தரும். 

முடிவுரை 

செயற்கை நுண்ணறிவுத் தொழில்நுட்பத்தைக் கண்டு நாம் அச்சப்பட வேண்டியதில்லை. 

2. நம் முன்னோர் அறிவியல் கருத்துக்களை இயற்கையுடன் இணைத்துக் கூறுவதாகத் தொடங்குகின்ற பின்வரும் சொற்பொழிவைத் தொடர்ந்து நிறைவு செய்க.

பரிபாடல்-புவியின் உருவாக்கம்

பேரன்பிற்குரிய அவையோர் அனைவருக்கும் வணக்கம்!  இன்று இயல் இசை நாடகம் என்னும் முத்தமிழுடன் அறிவியலை நான்காம் தமிழாகக் கூறுகின்றனர். ஆதி காலந்தொட்டு இயங்கிவரும் தமிழ் மொழியில் அறிவியல் என்பது தமிழர் வாழ்வியலோடு கலந்து கரைந்து வந்துள்ளது இலக்கியங்கள் மூலம் அறிகிறோம். அண்டத்தை அளந்தும், புவியின் தோற்றத்தை ஊகித்தும் கூறும் அறிவியல் செய்திகள் இலக்கியங்களில் உள்ளன. சங்க இலக்கியமான பரிபாடலில்… 

புவியின் உருவாக்கம் குறித்து இன்றைய அறிவியல் கூறுகின்ற கருத்து கூறப்பட்டிருக்கிறது.  

1. எதுவும் இல்லாத வெளியில் கரு தோன்றியது
2. பின்னர் வானம் தோன்றியது
3. பின்னர் கரு கிளர்ந்து வளர்ந்தது
4. பின்னர் வெடித்துச் சிதறியது 
5. பின்னர் நெருப்புப் பந்து உருவானது
6. பின்னர் மழை பெய்தது 
7. பின்னர் கடலும் நிலமும் உருவாயின 
8. பின்னர் உயிர்கள் தோன்றி வளர ஏற்ற சூழல் உருவானது.

3. “அறிவியலாளர் ஸ்டீபன் ஹாக்கிங்குடன் விண்வெளிப் பயணம்” என்னும் தலைப்பில் கற்பனை கதை ஒன்று எழுதுக.

அறிவியலாளர் ஸ்டீபன் ஹாக்கிங்குடன் விண்வெளிப்பயணம்

முன்னுரை

அறிவை விட முக்கியமானது கற்பனைத் திறன். 

ஹாக்கிங்குடன் நான்…

1. நாசா நடத்திய தேர்வில் வென்றேன். 
2. ஸ்டீபன் ஹாக்கிங் அவர்களைச் சந்தித்தேன் 

தன்னம்பிக்கை மனிதர்

1. கொலம்பியா விண்வெளி ஓடத்தில் அமர்ந்தோம். 
2. அவர் புன்முறுவல் செய்தார்.  
3. அவரின் தன்னம்பிக்கை மெய்சிலிர்க்க வைத்தது.

கலந்துரையாடினோம்

1. இப்பேரண்டம் பெருவெடிப்பினால் உருவானது 
2. விண்மீனின் ஆயுட்கால முடிவில் சுருங்கும்.
3. ஈர்ப்பு விசையில் இருந்து எதுவும் தப்பாது.
4. இறுதியில் வெடித்துச் சிதறிவிடும். 
5. கருந்துளை ஆக்க ஆற்றல் 

பெற்ற விருதுகள்

1. அமெரிக்க அதிபர் விருது
2. ஆல்பர்ட் ஐன்ஸ்டீன் விருது

நகைச்சுவை உணர்வு

விதிதான் தீர்மானிக்கிறது என்றால், சாலையைக் கடக்கும்போது ஏன் இருபுறமும் பார்த்துக் கடக்கிறார்கள்? 

துணிச்சல்காரர்

1. பலூனில் பறந்தார். 
2. போயிங்கில் பயணம் செய்தார்.

உலகிற்கு எடுத்துக்காட்டு

1. உடல்ஊனம் குறையன்று. 
2. அறிவை ஆளும்தன்மை இன்மையே குறையாகும்

முடிவுரை

விண்வெளிப் பயணத்தை முடித்துக் கொண்டு திரும்பினோம். நன்றி கூறி விடைபெற்றேன். அம்மா எழுப்பினார். கண்டது கனவு.

மொழியை ஆள்வோம்

மொழிபெயர்க்க.

Malar : Devi, switch off the lights when you leave the room.

Devi : yeah.  We have to save electricity

Malar : Our nation spends a lot of electricity for lighting up our streets in the night.

Devi : who knows? In feature our country may launch artificial moons to light our night time sky!

Malar : I have read some other countries are going to launch these types of illumination satellites near future.

Devi : superb news! If we have lunch artificial moons they can assist in disaster relief by beaming light on areas that lost power!

 மலர் : தேவி, நீ அறையை விட்டுச்செல்லும்போது விளக்குகளை அணைத்துவிட்டுச் செல்.

தேவி: ஆமாம், நாம் மின்சாரத்தைச் சேமிக்க வேண்டும்

மலர்: இரவில் நம் வீதிகளை ஒளிரச் செய்வதற்காக நம்நாடு நிறைய மின்சாரத்தைச் செலவு செய்கிறது

தேவி: யாருக்குத் தெரியும்? எதிர்காலத்தில் நம்நாடு இரவுநேர வானத்தை ஒளிரச் செய்ய செயற்கைநிலவுகளை நிறுவலாம்.

மலர்: வேறுசில நாடுகளும் எதிர்காலத்தில் இந்த ஒளியூட்டும் செயற்கைக்கோள்களை விரைவில் நிறுவ உள்ளதாக நான் படித்திருக்கிறேன்.

தேவி: அற்புதமான செய்தி! செயற்கை நிலவுகளை நாமும் நிறுவினால், மின்தடை ஏற்பட்டுள்ள பகுதிகளில் ஒளிவீசச் செய்வதன்மூலம் பேரிடர் மீட்பில் அவற்றைப் பயன்படுத்தலாம்.

பத்தியைப் படித்து பதில் தருக

பருப்பொருள்கள் குளிரும்படியாகத் தொடர்ந்து மழை பொழிந்த ஊழிக் காலம் கடந்தது. அவ்வாறு தொடர்ந்து பெய்த மழையால் புவி வெள்ளத்தில் மூழ்கியது. இப்படி மீண்டும் மீண்டும் சிறப்பாகியஆற்றல் மிகுந்து செறிந்து திரண்டு இப்படியாக (வெள்ளத்தில் மூழ்குதல்) நடந்த இந்தப் பெரிய உலகத்தில் உயிர்கள் வாழ்வதற்கு ஏற்ற சூழலாகிய உள்ளீடு தோன்றியது. உயிர்கள் தோன்றி நிலைபெறும்படியாக இப்பெரிய புவியில் ஊழிக் காலம் கடந்தது

1. பத்தியில் உள்ள அடுக்கு தொடர்களை எடுத்து எழுதுக.

மீண்டும் மீண்டும்

2. புவி ஏன் வெள்ளத்தில் மூழ்கியது?

தொடர்ந்து பெய்த மழையால் பூமி வெள்ளத்தில் மூழ்கியது.

3. பெய்த மழை- இத்தொடரை வினைத்தொகையாக மாற்றுக.

பெய்மழை 

4. இப்பத்தி உணர்த்தும் அறிவியல் கொள்கை யாது?

பெருவெடிப்புக் கொள்கை 

5. உயிர்கள் வாழ்வதற்கு ஏற்ற சூழலாக நீவீர் கருதுவன யாவை?

நிலம், நீர், காற்று, நெருப்பு, ஆகாயம் ஆகியவை அடங்கிய சூழலே உயிர்கள் வாழ்வதற்கு ஏற்றதாகும்.

வல்லின ஒற்றை இட்டும் நீக்கியும் எழுதுக

காகத்திற்கு காது உண்டா? அதற்கு காது கேட்குமா?

எல்லா பறவைகளுக்கும் காது உண்டு. செவி துளைகள் இறகுகளால் மூடி இருக்கும். மற்றப்படி பாலூட்டிகளில் உள்ளது போல் புறசெவிமடல் இருக்காது. காகத்திற்கு காது உண்டு. காதுக் கேட்கும்.

பறவைகளுக்கு பார்த்தல் கேட்டல் உணர்வு நன்றாக வளர்ச்சிப் பெற்று இருக்கும். சுவைத்தல் உணர்வுக் குறைவாகவும் நுகர்தல் உணர்வு இல்லையென்றேக் கூறலாம்

யுரேகா! யுரேகா! – அறிவியல் வெளியீடு

திருத்தம்

காகத்திற்குக் காது உண்டா? அதற்குக் காது கேட்குமா?

எல்லாப் பறவைகளுக்கும் காது உண்டு. செவித்துளைகள் இறகுகளால் மூடியிருக்கும். மற்றபடி பாலூட்டிகளில் உள்ளதுபோல் புறச்செவிமடல் இருக்காது. காகத்திற்குக் காது உண்டு. காது கேட்கும்.

பறவைகளுக்குப் பார்த்தல், கேட்டல் உணர்வு நன்றாக வளர்ச்சி பெற்று இருக்கும். சுவைத்தல் உணர்வு குறைவாகவும் நுகர்தல் உணர்வு இல்லையென்றே கூறலாம்.

கொடுக்கப்பட்டுள்ள இரு சொற்களைப் பயன்படுத்தி ஒரு தொடர் அமைக்க.

அ) இயற்கை- செயற்கை

செயற்கையை விடு. இயற்கையை நேசி.

ஆ) கொடு- கோடு 

கோடு போட்டுவிட்டுக் கொடு.

இ) கொள்- கோள் 

துணைக்கோளில் குடியேற ஆசைகொள்.

ஈ) சிறு- சீறு 

சிறுபாம்பும் சீறும்.

உ) தான்-தாம் 

நான்தான் படித்தேன். அவர்தாம் பரிசளித்தார்.

ஊ) விதி- வீதி 

வீதியில் செல்ல விதி உண்டா?

தொடரைப் படித்து விடையைக் கண்டறிக 

1.நூலின் பயன் படித்தல் எனில், கல்வியின் பயன் ________(கற்றல்)

2.விதைக்கு தேவை எரு எனில், கதைக்குத் தேவை_______(கரு)

3.கல் சிலை ஆகுமெனில், நெல் ______ஆகும். (சோறு) 

4.குரலில் இருந்து பேச்சு எனில், விரலில் இருந்து ______(எழுத்து)

5.மீன் இருப்பது நீரில்; தேன் இருப்பது_______(பூவில்)

குறிப்பைப் பயன்படுத்தி விடை தருக 

குறிப்பு: எதிர்மறையான சொற்கள்

1.மீளாத் துயர்- மீண்ட இன்பம்

2.கொடுத்துச் சிவந்த- கொடாது கறுத்த  

3.மறைத்துக் காட்டு- மறையாது காட்டு 

4.அருகில் அமர்க- தொலைவில் நிற்க

5.பார்த்த படம்- பார்க்காத படம் 

6.எழுதாக் கவிதை -எழுதிய கவிதை

அகராதியில் காண்க

1.அவிர்தல்-ஒளிர்தல் 

2.அழல்-நெருப்பு

3.உவா -முழுநிலவு

4.கங்குல்-இரவு

5.கனலி-நெருப்பு

கலைச்சொல் அறிவோம் 

1.Nanotechnology – மீநுண் தொழில்நுட்பம்

2.Biotechnology -உயிரித் தொழில்நுட்பம்

3.Ultraviolet rays -புற ஊதாக் கதிர்கள்

4.Space technology -விண்வெளித் தொழில்நுட்பம்

5.Cosmic rays – விண்வெளிக் கதிர்கள்

6.Infrared rays -அகச்சிவப்புக் கதிர்கள்

கட்டுரை- விண்வெளியும் கல்பனா சாவ்லாவும்

முன்னுரை

ஞானப் பெண்ணாய் ஞாலம் அளந்தாள் கல்பனா. 

குழந்தைப் பருவம்

அரியானாவில் 1962இல் பிறந்தார். 
டாட்டா அவர்களைப் பார்த்து வானில் பறக்க ஆசைப்பட்டாள்

கல்வி

தாகூர் அரசுப் பள்ளியிலும், பஞ்சாப் கல்லூரியிலும் படித்தார். 

பின்னர் அமெரிக்காவில் படித்தார்.

பணி

1995ஆம் ஆண்டு நாசா விண்வெளிவீரர் பயிற்சிக் குழுவில் சேர்ந்தார்.

விமானம் ஓட்டக் கற்றார்.

சாதனைகள்

1997ஆம் ஆண்டு விண்வெளிப் பயணத்தைத் தொடங்கினார். 

விபத்து

பிப்ரவரி 1, 2003 இல் விண்கலம் வெடித்து இறந்தார்.. 

விருதுகள்

கர்நாடக அரசு கல்பனா சாவ்லா விருது வழங்கி வருகிறது. 

இஸ்ரோ கல்பனா  விண்கலத்தை ஏவியது. 

முடிவுரை

வானை அளப்போம், கடல் மீனை அளப்போம்; சந்திர மண்டலத்தியல் கண்டு தெளிவோம்.

பா நயம் பாராட்டல்

நிலாவையும் வானத்து மீனையும் காற்றையும்

நேர்ப்பட வைத்தாங்கே

குலாவும் அமுதக் குழம்பைக் குடித்தொரு

கோல வெறிபடைத்தோம்;

உலாவும் மனச்சிறு புள்ளினை எங்கணும்

ஓட்டி மகிழ்ந்திடுவோம்;

பலாவின் கனிச்சுளை வண்டியில் ஓர் வண்டு

பாடுவதும் வியப்போ?

மனத்தை வாழ்த்துதல்

திரண்ட கருத்து

நிலாவையும் விண்மீனையும் காற்றையும் சமமாகக் கருதி, அவற்றின் அமுதைப் பருகி, அவற்றிலே நிலைகொண்டோம். மனப்பறவையை எங்கும் ஓட்டி மகிழ்ந்திடுவோம். பழவண்டியில் பலாச்சுளையை வட்டமிட்டு வண்டு பாடுவதில் ஒன்றும் வியப்பில்லையே.

சொல் நயம்

அமுதக்குழம்பு 

கோலவெறி

சந்த நயம்

சந்த நயம் வந்துள்ளது.

மோனை நயம்

குழம்பை 

குடித்தொரு 

எதுகை நயம்

நிலாவையும்

குலாவும்

இயைபு நயம்

படைத்தோம்

மகிழ்ந்திடுவோம்

அணி நயம்

உருவக அணி.

பா வகை

ஆசிரிய விருத்தம்.

நிற்க அதற்குத் தக

தொலைக்காட்சி மற்றும் திறன்பேசிகளில் மூழ்கி இருக்கும் நண்பர்களுக்கு நீங்கள் காட்டும் வழி யாது?

1.நண்பர்களுடன்  விளையாடு

2.நூலகங்களுக்குச் சென்று வாசி.

3.நண்பர்களுடன் பேசி மகிழ்.

4.உடற்பயிற்சி செய்

5.பெற்றோருக்கு உதவிசெய்

முல்லைப்பாட்டு

குறுவினா

பெற்றோர் வேலையில் இருந்து திரும்பத் தாமதமாகும் போது அழும் தம்பிக்கு நீங்கள் கூறும் ஆறுதல் சொற்களை எழுதுக.

கண்ணே மணியே கட்டிக்கரும்பே!
அழாதே கண்ணே அழாதே!
அம்மா உனக்காக மிட்டாய் வாங்கி வருவார்கள். உருட்டி விளையாடப் பொம்மை வாங்கி வருவார்கள். அழாதே கண்ணே அழாதே!

மாஅல் -பொருளும் இலக்கண குறிப்பு தருக

1. மாஅல்-திருமால்
2. மாஅல்-செய்யுளிசை அளபெடை

நெடு வினா

முல்லைப்பாட்டில் உள்ள கார்காலச் செய்திகளை விவரித்து எழுதுக.

முல்லைப்பாட்டு- நல்லோர் விரிச்சி கேட்டல்

பெருமழை பெய்தது

திருமால் பேருவம் எடுத்தது போன்று இருந்த மழைமேகம் கடல்நீரைப் பருகி, வலமாய் எழுந்து, மலையைச் சூழ்ந்து, விரைந்த வேகத்துடன் மாலைப்பொழுதில் பெருமழை பெய்தது.

தெய்வத்தை வழிபடல்

துன்பத்தைச் செய்கின்ற அம்மாலைப் பொழுதில், முதிய பெண்கள் ஊர்ப்பக்கம் சென்று முல்லைப் பூக்களையும் நெல்லையும் தூவி, தெய்வத்தைத் தொழுது, தலைவிக்காக நற்சொல் கேட்டு நின்றனர்.

நற்சொல் கேட்டல்

பசியால் வாடிய இளங்கன்றின் வருத்தத்தைக் கண்ட ஓர் இடைமகள், "புல்லை மேய்ந்து உன் தாய்மார் இப்போதே வந்து விடுவர், வருந்தாதே" என்றாள். இது கேட்ட முதுபெண்கள் தலைவியிடம், "நற்சொல்லை நாங்கள் கேட்டோம்" என்று கூறினர்.

காற்றே வா

குறுவினா 

வசன கவிதை- குறிப்பு வரைக.

1. உரைநடையும் கவிதையும் இணைந்து யாப்புக் கட்டுகளுக்கு அப்பாற்பட்டு உருவாக்கப்படும் கவிதை வடிவம் வசன கவிதை எனப்படுகிறது 
2. இவ்வடிவம் தமிழில் பாரதியாரால் அறிமுகப்படுத்தப்பட்டது.

சிறுவினா

மழை நின்றவுடன் புலப்படும் காட்சியை வருணித்து எழுதுக.

குறிப்பு: இலைகளில் சொட்டும் நீர்- உடலில் ஓடும் மெல்லிய குளிர் -தேங்கிய குட்டையில் சளப் சளப் என்று குதிக்கும் குழந்தைகள்- ஓடும் நீரில் காகித கப்பல்.

மழைக்காலக் காட்சி

சட சடவெனப் பெய்த மழை சட்டென நின்றது. உருண்டு திரண்ட மழைநீர் தெருவெங்கும் ஓடுகிறது. குடை விரித்த மரத்தின் இலைகளிலிருந்து மழைநீர் 'சொட் சொட்' எனச் சொட்டுகிறது. சில்லென்று பரவிய காற்றின் குளிர் உடலெங்கும் ஓடுகிறது. ஆங்காங்கே தேங்கிய குட்டைகளில் 'சளப் தளப்' என்று  குழந்தைகள் குதிக்கின்றன. ஓடும் நீரில் காகிதக் கப்பலை ஓடவிட்டு ஒருவரை ஒருவர் முந்த முயல்கின்றனர். அழகியல் ததும்பும் அற்புதமான காட்சி இது.

நெடுவினா 

மலர்ந்த மலராத பாதி மலர் போல வளரும் விழி வண்ணமே -வந்து விடிந்தும் விடியாத காலைப் பொழுதாக விளைந்த கலை அன்னமே நதியில் விளையாடி கொடியில் தலை சீவி நடந்த இளம் தென்றலே வளர் பொதிகை மலை தோன்றி மதுரை நகர் கண்டு பொலிந்த தமிழ் மன்றமே- கவிஞர் கண்ணதாசனின் இப்பாடலில் தவழும் காற்றையும் கவிதை நயத்தையும் பாராட்டி உரைசெய்க.

காற்றே வா

திரண்ட கருத்து

பாதி மலர்ந்த மலரைப் போலவும், பாதி புலர்ந்த காலைப்பொழுது போலவும், நதியில் குளித்துக் கொடியில் தலைதுவட்டி நடந்து வரும் இளந்தென்றல் போலவும், பொதிகை மலையில் தோன்றி மதுரையில் வளர்ந்த தமிழ் போலவும் விளங்கும் அழகு குழந்தைக்குக் கண்ணதாசன் தாலாட்டுப் பாடியுள்ளார்.

தவழும் காற்று

நதியில் குளித்த பிறகு தலையைத் துவட்டாவிட்டால் காய்ச்சல் வரும் அல்லவா? அதனை மனத்தில்கொண்ட கண்ணதாசன், தென்றல் காற்று கொடியில் தலையைத் துவட்டிக்கொண்டு மெல்ல நடந்து வருவதாக நயமுடன் பாடியுள்ளார்.

மோனை நயம்

முதல் எழுத்து ஒன்றி வரத் தொடுப்பது மோனையாகும்‌.

மலர்ந்தும் 

மலராத

எதுகை நயம்

இரண்டாம் எழுத்து ஒன்றி வரத் தொடுப்பது எதுகை ஆகும்

மலர்ந்தும் 

மலராத

இயைபு நயம் 

இறுதி எழுத்து ஒன்றிவரத் தொடுப்பது இயைபு ஆகும்

வண்ணமே 

அன்னமே

முரண் நயம்

முரண்பட்ட சொற்களால் தொடுப்பது முரண் நயம் ஆகும்.

மலர்ந்தும் x மலராத

சந்த நயம்

'சந்தம் செந்தமிழுக்கே சொந்தம்' என்னும் முதுமொழிக்கு ஏற்ப, இப்பாடலில் சந்த நயம் பயின்று வந்துள்ளது.

மலர்ந்த மலராத பாதி மலர் போல வளரும் விழி வண்ணமே -வந்து விடிந்தும் விடியாத காலைப் பொழுதாக விளைந்த கலை அன்னமே

அணி நயம்

இப்பாடலில் 'போல' என்னும் உவம உருபு பயின்று வந்துள்ளதால், இஃது உவமை அணியாகும்.

கேட்கிறதா என் குரல்

குறுவினா 

'நமக்கு உயிர் காற்று காற்றுக்கு வரம் மரம்- மரங்களை வெட்டி எறியாமல் நட்டு வளர்ப்போம்' இதுபோன்று உலகக் காற்று நாள் விழிப்புணர்வுக்கான இரண்டு முழக்கத் தொடர்களை எழுதுக.

1. மரம் - மனிதருக்கு வரம் 
2. காற்று - உயிர் வாழப் போற்று

சிறுவினா

உயிராக நான், பல பெயர்களில் நான், நான்கு திசைகளிலும் நான், இலக்கியத்தில் நான், முந்நீர் நாவாய் ஓட்டியாக நான்.... முதலிய தலைப்புகளில் காற்று தன்னைப் பற்றிப் பேசுகிறது. இவ்வாறு 'நீர்' தன்னைப் பற்றிப் பேசினால்.... உங்களுடைய கற்பனையில் தலைப்புகளை எழுதுக.

நீர் - தன் வரலாறு 

1. அமிழ்தாக நான் 
2. ஆற்றலாக நான் 
3. உணவாக நான் 
4. உயிராக நான் 
5. உருமாறும் நான் 
6. இலக்கியத்தில் நான் 
7. பண்பாட்டில் நான் 
8. பல பெயர்களில் நான் 
9. வளம் சேர்ப்பேன் நான் 
10. மனிதனால் மாசடையும் நான் 

சோலைக்காற்றும் மின்விசிறிக் காற்றும் பேசிக்கொள்வது போல் ஓர் உரையாடல் அமைக்க.

சோலைக்காற்று: நண்பா, நலமா? 

மின்விசிறிக் காற்று: நலம் நண்பா. நீ எப்படி இருக்கிறாய்? ஊர் முழுவதும் சுற்றிப் பார்த்துவிட்டு இப்போதுதான் என்னைப் பார்க்க உனக்கு நேரம் கிடைத்ததா? 

சோலைக்காற்று: ஊரெல்லாம் உலா வருவது தான் எனது பொழுதுபோக்கு. அதுதான் என்றுமே எனக்கு மகிழ்ச்சி. ஆனால் ...

மின்விசிறிக் காற்று: என்ன ஆயிற்று உனக்கு? ஏன் கவலைப்படுகிறாய்?

சோலைக்காற்று: எங்கு பார்த்தாலும் புகைமூட்டம். வாகன நெரிசல். வானை முட்டும் தூசித் துகள்கள். குளிர்ச்சியையும் நறுமணத்தையும் சுமந்து திரிந்த எனக்கே இன்று மூச்சு முட்டும்படி செய்து விட்டார்கள் இந்த மனிதர்கள்! 

மின்விசிறிக் காற்று: நாம் இன்றி இவர்களுக்கு வாழ்வில்லை. இதை எப்போதுதான் இவர்கள் உணர்வார்களோ? காலம்தான் பதில் சொல்ல வேண்டும்.