மலர்ந்தும் மலராத பாதி மலர் போல
வளரும் விழி வண்ணமே- வந்து
விடிந்தும் விடியாத காலைப் பொழுதாக
விளைந்த கலை அன்னமே
நதியில் விளையாடி கொடியில் தலைசீவி
நடந்த இளம் தென்றலே- வளர்
பொதிகை மலை தோன்றி மதுரை நகர் கண்டு
பொலிந்த தமிழ் மன்றமே.
-கண்ணதாசனின் இந்தப் பாடலில் தவழும் காற்றையும் கவிதை நயத்தையும் பாராட்டி உரை செய்க.
பாராட்டுரை
கவிஞர் கண்ணதாசன் குழந்தையை மலர்ந்தும் மலராத பாதி மலராகவும் விடிந்தும் விடியாத காலைப் பொழுதாகவும் கலை அன்னமாகவும் உருவகப்படுத்தியுள்ளார். நதியில் குளித்து, கொடியில் தலைசீவி நடந்துவரும் இளந்தென்றலாகவும் அழகு தமிழாகவும் குழந்தையை உருவகப்படுத்திப் பாடியுள்ளார்.
முரண்சுவை
மலர்ந்தும் × மலராத,
விடிந்தும் × விடியாத
ஆகிய சொற்களில் முரண் சுவை தளும்புகிறது.
இயைபு நயம்
வளரும் விழி வண்ணமே, விளைந்த கலை அன்னமே என்னும் தொடர்களில் இயைபு நயம் மிளிர்கிறது.
கற்பனை நயம்
நதியில் விளையாடி,
கொடியில் தலைசீவி.
மோனை-எதுகை
மலர்ந்தும் மலராத, விடிந்தும் விடியாத ஆகிய சீர்களில் மோனை எதுகை நயங்கள் மிளிரக் காணலாம்.
இந்தப் பாடல், கண்ணதாசனின் கவிதைத் திறத்துக்கு ஒரு சிறந்த சான்றாகும்.