நண்பனுக்குக் கடிதம்

மாநில அளவில் நடைபெற்ற 'மரம் இயற்கையின் வரம்' என்னும் தலைப்பிலான கட்டுரைப் போட்டியில் வெற்றி பெற்று முதல் பரிசு பெற்ற தோழனை வாழ்த்தி மடல் எழுதுக

பாராட்டுக் கடிதம்

சங்கரலிங்கபுரம்,

23-09-2020.

அன்புள்ள நண்பா,

              நலம்.  நலம் அறிய ஆவல்.  "தோன்றின் புகழோடு தோன்றுக அஃதிலார் தோன்றலின் தோன்றாமை நன்று" என்ற பொய்யாமொழிப் புலவரின் வரிகளை மெய்யாக்கியவன் நீ. 'மரம் இயற்கையின் வரம்' எனும் தலைப்பிலான கட்டுரைப் போட்டியில் வெற்றி பெற்று முதல் பரிசு பெற்றாய் என்பதை ஊடகங்கள் மூலம் அறிந்தேன்; உள்ளம் மகிழ்ந்தேன். 

            சுற்றுச்சூழல் ஆர்வலன் நீ. பசுமைக் காவலன் நீ.  உன்னுடைய கருத்தாழமும் கவிச் சிறப்பும் கட்டமைக்கும் பாங்கும் கட்டுரையில் நேர்த்தியை ஏற்படுத்துவன. உன்னுடைய வெற்றி தொடர வேண்டும்.  உன்னுடைய பதில் மடலை ஆவலுடன் எதிர்பார்த்துக் காத்திருக்கிறேன்.

அன்புள்ள நண்பன்,

எழிலன்

உறைமேல் முகவரி:

பெறுநர்

               தமிழன்

               6, தொல்காப்பியர் தெரு,

               ஒண்டிப்புலி நாயக்கனூர்,

               விருதுநகர் (மாவட்டம்).