சங்க இலக்கியத்தில் அறம்
2 மதிப்பெண்
1). குறிப்பு வரைக. - அவையம்
அவையம்:
- அறம் கூறும் மன்றங்கள், அரசனின் அறநெறி ஆட்சிக்குத் துணை புரிந்தன.
- உறையூரில் இருந்த அவையம் தனிச்சிறப்புப் பெற்றது என்று இலக்கியங்கள் குறிப்பிடுகின்றன.
- மதுரைக்காஞ்சி, 'மதுரையில் இருந்த அவையம் துலாக்கோல் போல நடுநிலை மிக்கது' என்கிறது.
3 மதிப்பெண்
1. சங்க இலக்கியங்கள் காட்டும் அறங்கள் இன்றைக்கும் தேவையானவையே என்பதற்குச் சில எடுத்துக்காட்டுகள் தருக.
இன்றைக்கும் தேவையான அறங்கள்
- "இப்பிறப்பில் அறம் செய்தால் அதன் பயனை மறுபிறப்பில் பெறலாம் என்ற வணிக நோக்கம் கூடாது"
- "ஆட்சியாளர், செங்கோல் போன்று நேரிய ஆட்சி மேற்கொள்ளவேண்டும். நீர்நிலை பெருக்கி, நிலவளம் கண்டு, உணவுப்பெருக்கம் காண்பதும் அதனை அனைவருக்கும் கிடைக்கச் செய்வதும் அரசனின் கடமை ஆகும்"
- "குற்றத்தின் அடிப்படையில் ஆராய்ந்து தண்டனை வழங்க வேண்டும்.
- "போரின் கொடுமையிலிருந்து பார்ப்பனர், பெண்டிர், நோயாளிகள், புதல்வர்களை பெறாதவர் ஆகியோருக்குத் தீங்கு வராமல் போர் புரிய வேண்டும்.
- "தன்னுடைய மகிழ்ச்சியை மறந்து மற்றவர் மகிழ்ச்சியை நாடுவதுதான் உண்மையான மகிழ்ச்சி. செல்வத்துப் பயனே ஈதல் துய்ப்போம் எனில் தப்புந பலவே. இரப்போர்க்கு ஈயாது வாழ்வதைவிட உயிரை விட்டுவிடுதல் மேலானது"
போன்ற அறங்கள் இன்று அனைவரும் கடைப்பிடிக்க வேண்டியவை ஆகும்.
2. சுற்றுச்சூழலைப் பேணுவதே இன்றைய அறம்' என்ற தலைப்பில், பெற்றோர் ஆசிரியர் கூட்டத்தில் பேசுவதற்கான உரைக்குறிப்பு ஒன்றை உருவாக்குக. (குறிப்பு : சுற்றுச்சூழல் மாசுபடுவதைத் தடுக்க சட்டங்கள் இயற்றப்பட்டு இருந்தாலும் ஒவ்வொருவரின் உள்ளத்திலும் ஏற்படும் மாற்றமே, சுற்றுச்சூழலைப் பாதுகாக்கும்)
சுற்றுச்சூழலை பேணுவதே இன்றைய அறம்
அனைவருக்கும் எனது பணிவான வணக்கத்தை தெரிவித்துக் கொள்கிறேன்.
- நாம் வாழும் பூமியை மாசுபடுத்தாமல் வைத்திருக்க வேண்டியது நமது கடமை.
- பல்வேறு தொழிற்சாலைகளும் வாகனங்களும் நமது சுற்றுச்சூழலை மிகவும் மாசுபடுத்தி வருகின்றன.
- வளிமண்டலத்தில் கார்பனின் அளவு அதிகரித்து 'வெப்பமயமாதல்' நிகழ்வு ஏற்படுகிறது. இதனால் பனிமலைகள் உருகுவதும், பருவகாலங்கள் மாறுவதும் அடிக்கடி நிகழ்கின்றன.
- சுற்றுச்சூழலைப் பாதுகாப்பதற்கு அரசு பல்வேறு சட்டங்களை இயற்றி நடைமுறைப்படுத்தி வந்தாலும், பொதுமக்களின் ஒத்துழைப்பு இன்மையால் சுற்றுச்சூழல் விதிகள் காற்றில் பறக்க விடப்படுகின்றன. இது மிகவும் கவலைக்குரியதாகும்.
- முன்னோர் இயற்கையோடு இயைந்த வாழ்க்கையை வாழ்ந்தனர்.
- அவர்களது வாழ்க்கை நெறிகளைப் பின்பற்றி நாமும் இயற்கையோடு இயைந்த வாழ்வை வாழ வேண்டும்.
- பசுமையான உலகம் படைக்க ஒன்றிணைவோம், வாரீர்!
நன்றி, வணக்கம்!
காலக்கணிதம்
காலக்கணிதம் கவிதையில் பொதிந்துள்ள நயங்களைப் பாராட்டி எழுதுக.
கவிஞன் யானோர் காலக் கணிதம்
கருப்படு பொருளை உருப்பட வைப்பேன்
புவியில் நானோர் புகழுடைத் தெய்வம்
பொன்னினும் விலைமிகு பொருள் என்செல்வம்
இவை சரி என்றால் இயம்புவது என் தொழில்
இவை தவறாயின் எதிர்ப்பது என் வேலை
ஆக்கல் அளித்தல் அழித்தல் இம்மூன்றும்
அவனும் யாருமே அறிந்தவை; அறிக!
- கண்ணதாசன்.
பாநயம் பாராட்டல்
காலக்கணிதம்
திரண்ட கருத்து
1) நான் ஒரு கவிஞன்.
2) காலத்தைக் கணிப்பேன்.
3) கவிதை படைப்பேன்.
4) நானே தெய்வம்.
5) என் கவிதைகள் விலை மிகுந்தவை.
6) முத்தொழில் புரிகிறேன்
சொல் நயம்
கருப்படு பொருளை உருப்பட வைப்பேன்- சொல்நயம்
பொருள் நயம்
பொன்னினும் விலைமிகு பொருள் என்செல்வம்- பொருள் நயம்
சந்த நயம்
சந்தநயம் வந்துள்ளது.
மோனை நயம்
கவிஞன்
கணிதம்
எதுகை நயம்
கருப்படு
பொருளை
முரண் நயம்
ஆக்கல் ×அழித்தல்
சரி×தவறு
இயைபு நயம்
கணிதம்
தெய்வம்
அணிநயம்
உருவக அணி
ஞானம்
2 மதிப்பெண்
காலக்கழுதை கட்டெறும்பானதும் கவிஞர் செய்வது யாது?
கையிலே வாளித் தண்ணீர், சாயக்குவளை, கந்தைத் துணி, கட்டைத்தூரிகை கொண்டு சுத்தம் செய்யும் பணியை ஓய்வின்றிச் செய்கிறார்.
3 மதிப்பெண்
வாளித் தண்ணீர், சாயக்குவளை, கந்தைத் துணி, கட்டைத் தூரிகை - இச்சொற்களைத் தொடர்புபடுத்தி ஒரு பத்தி அமைக்க.
காலக்கழுதை
எங்கள் வீட்டுச் சாளரத்தின் கதவுகள் தேக்கு மரக்கட்டையால் ஆனவை. கதவுகளில் தெருப்புழுதி வந்து ஒட்டியதாலும், கரையான் மண்வீடு கட்டியதாலும் முன்பு ஒருமுறை தண்ணீரால் கழுவிச் சுத்தம் செய்து சாயம் அடித்தேன்.
காலஓட்டத்தில் கதவுகளில் மீண்டும் தூசிபடிந்து கரையான் அரித்துக் காணப்படுகிறது.
மீண்டும் கையில் வாளித் தண்ணீர் எடுத்துக்கொண்டேன். கந்தைத்துணியைத் தண்ணீரில் நனைத்துச் சுத்தம் செய்தேன். சாயக்குவளையில் கட்டைத்தூரிகையை நனைத்து, கதவுகளுக்குச் சாயம் அடித்தேன்.
எத்தனை முறை புழுதி வந்து படிந்தாலும், கரையான் அரித்தாலும், மீண்டும் மீண்டும் கதவைச் சுத்தம் செய்யும் எனது பணியைத் தொடர்ந்து செய்வேன்.
இராமானுசர் நாடகம்
இராமானுஜர் நாடகத்தைக் கதை வடிவில் சுருக்கி எழுதுக.
இராமானுஜர் – நாடகம்
கி.பி. பன்னிரண்டாம் நூற்றாண்டில் விசிஷ்டா அத்துவைதம் தந்த இராமானுஜரின் வாழ்க்கையில் நடந்த ஒரு நிகழ்ச்சியைக் காண்போம்.
ஒருமுறை இராமானுசர், அவரின் குரு பூரணரின் கட்டளையின் பேரில் புனிதத் திருமந்திரத் திருவருளைப் பெறுவதற்காக கூரேசர் மற்றும் முதலியாண்டானுடன் வந்தார். அதனைக் கண்ட கூரேசர், “தண்டு, கொடியுடன்தானே வரச் சொன்னேன். உறவுகளை ஏன் அழைத்து வந்துள்ளீர்” என்று கேட்டார். அதற்கு, "நீங்கள் சொன்ன தண்டு, கொடிக்கு இணையானவர்கள் இவர்கள்" என்றார் இராமானுசர்.
அதன்பின்னர் குரு, “திருமகளுடன் கூடிய நாராயணனின் திருப்பாதங்களைப் புகலிடமாகக் கொள்கிறேன். திருவுடன் சேர்ந்த நாராயணனை வணங்குகிறேன்” என்ற திருமந்திரத்தை மூவருக்கும் அருளினார். "இந்தத் திருமந்திரத்தை வேறு யாரிடமாவது நீங்கள் கூறினால், அதற்கு நரகமே தண்டனையாகக் கிடைக்கும்" என்றும் எச்சரித்தார் குரு.
குருவின் எச்சரிக்கையைப் பொருட்படுத்தாமல் திருமந்திரத்தைப் பொதுமக்கள் முன்னிலையில் இராமானுசர் கூற, அனைவரும் இணைந்து மந்திரத்தைச் சொன்னார்கள்.
இதனை அறிந்த பூரணர் இராமானுசரை அழைத்தார். “ஏன் இவ்வாறு செய்தீர்?” என்று கேட்டார். அதற்கு இராமானுசர், “இதனால் நான் மட்டுமே தண்டனை கிடைக்கப்பெற்று நரகத்தைச் சேர்வேன். ஆனால், என் மக்கள் அனைவருக்கும் நலம் கிட்டும். எல்லாரும் நலமுடன் வாழ்வார்கள் சுவாமி!” என்று பதில் அளித்தார்.
இராமானுசரின் பதிலைக் கேட்டு வியந்த குரு, “ஆளவந்தாரின் உள்ளத்தை அறிந்தவர் தாங்கள் மட்டுமே. இறைவனின் திருவருளை உலகிற்கு உணர்த்தியவர் தங்களே. ‘எம்பெருமான்’ என்னும் திருநாமம் என்றென்றும் நிலைத்து, நீங்கள் நீடுழி வாழ வேண்டும்” என்று வாழ்த்தினார். தன் மகனையும் அடைக்கலமாக அளித்தார்
பா வகை,அலகிடல்
2 மதிப்பெண்
1. குறள் வெண்பாவின் இலக்கணத்தைக் எழுதி எடுத்துக்காட்டுத் தருக.
குறள் வெண்பாவின் இலக்கணம்:
வெண்பாவின் பொது இலக்கணம் அமையப்பெற்று இரண்டு அடிகளாய் வரும். முதல் அடி நான்கு சீராகவும் இரண்டாம் அடி மூன்று சீராகவும் வரும்.
எடுத்துக்காட்டு:
கற்க கசடற கற்பவை கற்றபின்
நிற்க அதற்குத் தக.
2. வஞ்சிப்பாவிற்கு உரிய ஓசை தூங்கலோசை ஆகும். துள்ளலோசை கலிப்பாவுக்கு உரியது. இத்தொடர்களை ஒரே தொடராக இணைத்து எழுதுக.
கலவைத் தொடர்:
வஞ்சிப்பாவிற்குத் தூங்கலோசையும், கலிப்பாவிற்குத் துள்ளல் ஓசையும் உரியன.
3 மதிப்பெண்
ஆசிரியப்பாவின் பொது இலக்கணத்தை எழுதுக.
ஆசிரியப்பாவின் பொது இலக்கணம்
- அளவடிகளைப் பெற்று வரும்
- இயற்சீர் பயின்று வரும். பிற சீரும் வரும். ஆனால், நிரை நடுவாகிய வஞ்சியுரிச்சீர்கள் வாரா
- ஆசிரியத் தளைகள் பயின்று வரும். பிற தளைகளும் கலந்து வரும்
- குறைந்தது மூன்று அடிகளாகவும், புலவரின் மனக்கருத்திற்கேற்பப் பல அடிகளைப் பெற்றும் வரும்
- அகவலோசை பெற்று வரும்
- ஈற்றடியின் ஈற்றுச்சீர் ஏகாரத்தில் முடிவது சிறப்பு.
கடிதம்
நாளிதழ் ஒன்றின் பொங்கல் மலரில் ‘உழவுத் தொழிலுக்கு வந்தனை செய்வோம்’ என்ற உங்கள் கட்டுரையை வெளியிட வேண்டி, நாளிதழ் ஆசிரியருக்குக் கடிதம் எழுதுக.
விண்ணப்பம்
அனுப்புநர்
அஅஅஅ,
ஆஆஆஆ,
இஇஇஇ.
பெறுநர்
ஆசிரியர்,
தினமணி,
இஇஇஇ..
அம்மா,
பொருள்: கட்டுரை வெளியிட வேண்டுதல்...
வணக்கம். தங்கள் நாளிதழின் பொங்கல் மலரில் ‘உழவுத் தொழிலுக்கு வந்தனை செய்வோம்’ என்ற தலைப்பில் நான் எழுதிய கட்டுரையை வெளியிட வேண்டுகிறேன். நன்றி!
இப்படிக்கு,
அஅஅஅ.
இடம்: இஇஇஇ
நாள் : 18.10.2024
இணைப்பு:
‘உழவு தொழிலுக்கு வந்தனை செய்வோம்’ என்ற கட்டுரை
உறைமேல் முகவரி
பெறுநர்
ஆசிரியர்,
தினமணி,
இஇஇஇ.
பள்ளித் திடலில் கிடைத்த பணப்பையை உரியவரிடம் ஒப்படைத்ததையும் அதற்குப் பாராட்டும் பெற்றதையும் பற்றி வெளியூரில் இருக்கும் உறவினர் ஒருவருக்குக் கடிதம் எழுதுக.
உறவினருக்குக் கடிதம்
அஅஅஅ,
18-10-2024.
அன்புள்ள அத்தை,
வணக்கம். நலம். நலம் அறிய ஆவல். பள்ளித்திடல் பணப்பையைக் கண்டேன். உரியவரைத் தொடர்பு கொண்டேன். ஒப்படைத்தேன். ஆசிரியர்கள் என்னைப் பாராட்டினார்கள்.
நன்றி அத்தை!
அன்புள்ள,
அஅஅஅ.
உறைமேல் முகவரி
பெறுநர்
அஅஅஅ,
ஆஆஆஆ,
இஇஇஇ.
உங்கள் தெருவில் மின் விளக்குகள் பழுதடைந்துள்ளன. அதனால் இரவில் சாலையில் நடந்து செல்வதற்கு ஏற்படும் இடையூறுகளை எழுதி, ஆவன செய்யும்படி மின்வாரிய அலுவலருக்குக் கடிதம் எழுதுக.
மின்வாரிய அலுவலருக்குக் கடிதம்
அனுப்புநர்
அஅஅஅ,
ஆஆஆஆ,
இஇஇஇ.
பெறுநர்
மின்வாரிய அலுவலர்,
மின்வாரிய அலுவலகம்,
இஇஇஇ.
அம்மா,
பொருள்: பழுதடைந்த மின் விளக்குகளை மாற்றித் தர வேண்டுதல்...
வணக்கம். எங்கள் தெருவில் மின்விளக்குகள் பழுதடைந்துள்ளன. அதனால் இரவில் சாலையில் நடந்து செல்வதற்கு இடையூறு ஏற்படுகிறது. சரிசெய்யும்படி வேண்டுகிறேன்.
இப்படிக்கு,
அஅஅஅ.
இடம் : அஅஅஅ
நாள் : 18.10.2024
உறைமேல் முகவரி:
பெறுநர்
மின்வாரிய அலுவலர்,
மின்வாரிய அலுவலகம்,
இஇஇஇ.